Әниләр хөрмәтләнде

Бәйрәм театральләштерелгән күренеш белән башланды. Хорео-график композициядә ана һәм бала образы бербөтен итеп күрсәтелде, әниләргә дан җырланды. – Әни, әнкәй, әнием! Бу сүзләр, нинди генә телләрдә яңгыраса да, безнең өчен иң якын, иң кадер-ле кешеләребезгә әйтелә. Авыр сугыш елларында тормыш арба-сын ирләр белән тигез дәрәҗәдә җигелеп тарткан, газиз балаларын ач-ялангач итмичә, аларга матур тәрбия биргән, сугыштан соң илне торгызуда армый-талмый хезмәт куйган өлкән буын әниләрне тирән ихтирам белән искә алабыз. Ятим балаларны үз гаиләләренә алып, аларга әни назы, әни җылысы би-реп яшәүче әниләребез дә хөрмәткә лаек. Яшь әниләрнең, киләчәктә әни булачак сеңелләрнең алар-дан үрнәк алып яшәүләрен телим. Бәйрәм белән тәбрик итеп, бары-гызга да сәламәтлек, гаилә бәхете телим, – диде район башлыгы урынбасары Азат Әхмәтҗанов.Азат Әхмәтҗанов һәм РФ Пен-сия фондының Мөслимдә клиент-ларны кабул итү хезмәте җитәкчесе Фәридә Ганиева Мәлләтамак авы-лыннан Людмила Игошевага, Мөслимнән Алина Рахманова белән Ильмира Вагыйзовага ана капита-лы сертификатларын тапшырды.ТР Президенты кабул иткән про-грамма нигезендә, авыл җирлегендә яшәп, 29 яшенә җиткәнче өченче баласын алып кайткан әниләргә 100 мең сум күләмендә пособие бирелә. Җирлегебездән 10 әни әлеге посо-биене алган. Яшь әниләр дә сәхнәгә күтәрелде. Социаль яклау бүлеге җитәкчесе Гөлнар Фәтхуллина алар-га тәбрикләү сүзләрен җиткерде. 2020 елда ТАССРның 100 еллы-гын һәм Бөек Җиңүнең 75 еллы-гын билгеләп үтәбез. Шул уңайдан тыл ветераннары, сугыш чоры балалары булган әниләр аерым хөрмәтләнде. Сәхнәгә тыл вете-раннары: Мөслимнән Әнисә Са-лихова, Михайловкадан Роза Гай-сина, Баектан Вәҗиһа Сәлахова, Иске Вәрәштән Әминә Закирова, Сикиядән Гөлҗәннәт Хәмбәлова чакырылды. Өлкәннәрне ветеран-нар советы рәисе Илгиз Низамов тәбрикләде. – Сезнең балачак авыр чорга туры килде. Яшьлек елларыгыз-ны сез трактор штурвалы артын-да, урман кисүдә, торф чыгаруда үткәрдегез. Ирләрегезгә тугры ка-лып, балалар тәрбияләдегез, алар-ны чын кешеләр итеп үстердегез. Милләтебезне, телебезне, гореф-гадәтләребезне саклаучылар бул-дыгыз. Чын йөрәктән рәхмәт сезгә! – диде ул. Ветераннарга истәлек бүләкләре һәм чәчәк букетлары тапшырылды. Сугыштан соңгы авыр еллар-да ятимлек ачысын татыган бала-лар бүген дә күңел көрлеген югал-тмыйча матур гомер кичерәләр. Сугыш елларының бар газабын күргән, үрнәк балалар тәрбияләп үстергән әниләр – Метрәйдән Люция Галимовага, Иске Кара-малыдан Әлфинә Асылгәрәевага, Октябрьдән Ходалия Нуриевага, Крәш. Шураннан Нина Софинага, Олы Чакмактан Роза Шиһаповага сокланмый мөмкин түгел. Аларга ихлас теләкләрен иҗтимагый со-вет рәисе, Татарстан халыклары ассамблеясенең Мөслим җирле бүлеге җитәкчесе Рушат Солтанов җиткерде:– Сәхнә түрендә тормышның ачысын татыган, әмма нинди генә кыен вакытларда да сынмаган-сы-гылмаган әниләребез утыра. Алар-ны яшьләргә үрнәк итеп куясы килә. Әниләрнең күңел матурлыгы, сафлыгы, татар хатын-кызларына гына хас тыйнаклыгы, без – ир-егетләрнең йөрәген әсир итә. Менә шундый көчле әниләребез булуы белән бәхетле дә без!Сугыштан соңгы авыр елларда һәм аннан соң да идарә эшләрендә намуслы хезмәтләре белән таң кал-дырган әниләр бар. Рус. Шуганнан Вера Лобанова, Тойгелдедән Ру-мия Миңнеханова, Мәлләтамактан Вәсилә Хамматова, Яңа Усыдан Ольга Тазова, Әмәкәйдән Клара Шәйхәйдарова шундыйлардан. Аларны район Башкарма комите-ты җитәкчесенең социаль-мәдәни мәсьәләләр буенча урынбасары Ма-рина Бәдретдинова тәбрикләде.Матур традицияне дәвам итеп, оешма-предприятиеләрдә намус-лы хезмәт куйган, тәрбияле бала-лар үстергән әниләр бөтен район халкы алдында хөрмәтләнә. Өч дистә әнигә алар хезмәт куйган оешма җитәкчеләре истәлекле бүләкләр һәм чәчәк букетлары тап-шырды. Бәйрәм тантанасы район үзешчәннәренең чыгышлары белән үрелеп барды. Фәридә ГАЙНЕТДИНОВА.