Ничек яшисең, авыл? Баек авыл җирлеге турында

Авыл җирлекләрендә яшәүчеләр үзләрендә булган яңалыклар, үзгәрешләр белән даими таныштырып тора. Баек авылы халкы ничек көн күрә? Ләйлә Баянова, Баек мәктәбенең башлангыч класслар укытучысы: - Авыл җирлекләрен төзекләндерү һәм яңарту буенча Баек авылы җирлеге матур планнар белән яши. Җирлегебез чишмәләргә бай. Аларны төзекләндерү буенча өч авылда да күләмле эш башкарылды: чишмәләр буралап куелды, ял итү урыннары булдырылды. Авылда, балалар һәм яшьләрнең сәламәт яшәү рәвешен кайгыртып, зур спорт залы төзекләндерелә, заманча җиһазланган балалар майданчыгы үсеп чыкты. Балалар тавышыннан авылыбыз шау-гөр килеп тора. Ә өлкәннәр өчен мәчеттә бөтен уңайлыклар булдырылды: җылылык системасы алыштырылды, юыну бүлмәсе ясалды. Бу эшләрне оештыруда башлап йөрүче җирлек башлыгы Айнур Сәхипгәрәевка балалар да, өлкәннәр дә мең рәхмәтле.