Мөслимнән Илнур Кәримов Россия беренчелегендә катнаша

Г. Тукай исемендәге Мөслим урта мәктәбе укучысы Илнур Кәримов балалар һәм яшүсмерләр спорт мәктәбендә кул көрәше белән шөгыльләнә. Татарстан беренчелегенә үткән ярышларда аның икенче урын яулавы турында хәбәр иткән идек инде. Бу көннәрдә Илнурның тренеры Ларис Бариев тагын бер сөенечле хәбәр җиткерде: 24-27 ноябрь көннәрендә Түбән Новгород шәһәрендә Идел буе федераль округы беренчелегендә Илнур янә икенче урынны алган! Хәзер Илнур 2018 елның гыйнварында Екатеринбургка барырга әзерләнә. Анда ул, Россия беренчелегендә катнашып, Татарстан һәм Мөслим данын яклаячак.