Мөслимнең иң тату сыйныфына Татарстанда да тиңнәр булмады
Мөслим лицее төрле бәйгеләрдә актив катнаша. Лицейның 5 Б классы укучылары һәм әти-әниләр комитеты ТР мәгариф һәм фән министрлыгы үткәргән "Тату класс серләре" ("Секреты дружного класса") исемле республика конкурсында катнаштылар.
Муниципаль турда гран-прига лаек булган сыйныф республика конкурсында катнашу хокукы алды. Конкурска класс җитәкчесе Гүзәл Вагыйзова җитәкчелегендә алты бала һәм әти-әниләр барган. Бәйге барышында лицейлылар, "Сәламәт балалар - сәламәт гаилә" исемле проект эшен яклап, соңыннан флеш-моб тәкъдим иткән. 50 команда катнашкан бәйгедә мөслимлеләр призер дипломы һәм аквапаркка билетлар белән бүләкләнгән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев