Мөслимлеләрне Яшьләр көненә чакыралар

29 июльдә җәйнең төп бәйрәмнәренең берсе - Яшьләр көне үтә. Чара район үзәгенең "Нурлыгаян" паркында оештырылачак. Сезне дә шушы бәйрәмдә катнашырга чакырабыз. Программада: район башлыгы Рамил Муллин һәм эстрада йолдызы Мөнир Рахмаев катнашында массакүләм велойөреш, катнашучылар 18 сәгать 30 минутта "Мизгел" яшьләр үзәге янында җыела, велойөрештә 16 яшьтән өлкәнрәкләр катнаша ала. "Буяулар фестивале 18 сәгатьтә "Нурлыгаян" паркында башлана. Бәйрәм концертында җырчылар Мөнир рахмаев һәм Ландыш Нигъмәтҗанова чыгыш ясый. Соңыннан дискотека була. Күңеле яшь һәркемне бәйрәмдә көтәбез, диләр чараны оештыручылар.