Мөслимлеләр Яр Чаллы шәһәре ярминкәләрендә катнашуын дәвам итә

Районыбызның авыл хуҗалыгы хезмәтчәннәре Яр Чаллы шәһәренә ярминкәләр белән баруын дәвам итә. 2 декабрь көнне шәһәргә "Ык" агрофирмасы, "Хәмәдишин" КФХ, умартачылар барды. Ыклылар мөгезле эре терлек ите сатып кына калмады, ярминкәгә килүчеләрне кайнар чәй һәм коймак белән дә сыйлады. "Хәмәдишин" хуҗалыгы гадәттәгечә яңа суелган, тозланган һәм ысланган казлар, аларның эч-бавырын, майларын тәкъдим итте. Шәһәр халкы мөслимлеләрнең балын да яратып алды.