Мөслимлеләр Корбан гаетен билгеләп үтте

автор, 24 сентябрь 2015 - 11:38

998

24 сентябрь көнне барча мөселман дөньясы Корбан гаетен билгеләп үтте. Мөслимдәге үзәк мәчеттә Корбан гаетенә килүчеләрне Мөслим мәчете имам-хатыйбы Ринас хәзрәт Нәбиев сәламләде. Ринас хәзрәт корбан чалу тәртибен аңлатты.

Районыбызның имам-мөхтәсибе Мөнир хәзрәт Борһанов Аллаһка якынаю юллары турында вәгазь сөйләде. Бәйрәмдә катнашучылар район башлыгы Рамил Муллинның да котлауларын кабул итте. Җәмәгать белән гает намазыннан соң, гает хөтбәсе укылды.