Мөслимгә ТР Мәгариф һәм фән министры Энгель Фәттахов килде

Кичә Мөслимгә ТР Мәгариф һәм фән министры Энгель Фаттахов килде. Энгель Нәвапович Мөслимдә үтәчәк укытучыларның республикакүләм август киңәшмәсенә әзерлекне карады, капиталь ремонт баручы мәгариф объектлары белән танышты. Конференция көннәрендә узачак чаралар, кулланылачак инновацияләр турында мәгълүмат тыңланды.

Районда бик күп төзелешләр бара. Мәгариф объектларыннан тыш Энгель Фәттахов мәчет төзелешен дә карады. Мөслим гимназиясе, мәктәптән тыш эшләр үзәге, Сарман аграр көллияте филиалы бинасында ремонт эшләре белән танышты. Август аенда кунаклар каршы алуга әлеге объектларның барысы да тулысынча әзер булырга тиеш.