Мөслимдә “Торак-2020” операциясе бара

Районда “Торак-2020” операциясе дәвам итә. Мөслим һәм Сарман районнары буенча янгын күзәтчелеге бүлеге районның социаль яклау бүлеге хезмәткәрләре белән берлектә Исәнсеф, Тат.Түләр, Яңа Сәет, Мари Бүләр авылларында булып, күпбалалы, социаль яктан уңышсыз дип исәпләнгән гаиләләрдә булып, янгынга каршы белешмәлекләр таратты, газ приборларын куллану кагыйдәләре белән таныштырды. Мөслимнең, Иске Карамалы һәм Баек авылларының янгын сүндерү постлары да кыш дәвамында тыгыз режимда эшләде. Янгын сүндерүчеләр үз җирлекләрендә гомер итүче өлкәннәрнең, ялгыз әби-бабайларның йортларындагы электр җиһазларының төзеклеген даими контрольдә тотты.