Мөслимдә пенсионерларның район спартакиадасы узды
Бөек Җиңүнең 73 еллыгы уңаеннан пенсионерларның 8нче район спартакиадасы узды. “Өченче буын” исеме астында узган ярышларда авыл җирлекләре командалары көч сынашты.
Өлкәннәр дартс, йөзү, йөгерү, өстәл теннисы, шаша-шахмат һәм башка уеннарда үзләренең егәрлекләрен сынады. Уеннарда Шуганка авылыннан Фәһим абый да катнашты. 80 яшьлек йөгерешче бу елны да сынатмады. Беренче урынга Яңа Усы, икенче урынга Мәлләтамак, өченче урынга Вәрәшбаш авыл җирлекләре командалары чыкты. Җиңүчеләргә районның яшьләр белән эшләү һәм спорт бүлеге, районның ветераннар советыннан медальләр, Мактау грамоталары, истәлекле бүләкләр тапшырылды.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев