Реклама
Яңалыклар
Мөслимдә мәчетләр саны арта
18 август көнне Мөслим районында ике яңа мәчет ачылачак. Бу атнада җомга көнне, 18 августта Мөслим районында ике мәчет ачылачак. Бу хакта "Татар-информ" мәгълүмат агентлыгы хәбәрчесенә Татарстан халыклар ассамблеясының Мөслим районындагы вәкиллек җитәкчесе Рушат Солтанов хәбәр итте. "Мөслим районы рухи алгарыш кичерә, - ди Рушат Солтанов.
-18 август көнне бездә берьюлы ике Аллаһ йорты ачылыр дип көтелә. Элемтә дигән үзенчәлекле авылда 10:00 сәгатьтә, ә Мөслимнең үзендә 11:00 сәгатьтә тантаналы ачылыш чаралары узачак. Ике мәчетне дә мөселман кардәшләребез һәм спонсорлар акчасына торгыздык. Аллага шөкер, Мөслим халкы дингә хәерхаклы. Махсус укыган дин эшлеклеләребез сирәк булса да, ата-бабадан өйрәнеп калган гыйлем буенча дин йолаларын төгәл үтәүче бабайларыбыз хисабына бер мәчетебез дә имамсыз тормый". Мөслимдә бүгенге көндә 30 га якын мәчет эшли.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев