Мөслимдә чыгарылыш кичәсе үтте

28 июнь көнне Мөслимдәге урта мәктәп укучыларының чыгарылыш кичәсе үтте. Гимназия, лицей, Г.Тукай исемендәге, Тат.Бүләр, Михайловка, Күбәк урта мәктәпләрен быел 63 укучы тәмамлады. Район башлыгы Рамил Муллин мөстәкыйль тормышка аяк басучы яшьләрне тәбрикләп, укуда аеруча зур уңышларга ирешкән 15 егет-кызга медаль тапшырды. Район Башкарма комитеты җитәкчесе Рафаэль Демидов һәм аның урынбасары Марина Бәдретдинова кичәдә җитәкче буларак та, балалары мәктәпне тәмамлаучы ата-аналар буларак та катнашты. Уңышларга ирешкән спортчыларга ГТО билгеләре тапшырылды. Котлауларга изге теләкләр, җыр-шигырьләр белән әти-әниләр дә кушылды.