Мөслимдә Өченче буын университеты эшли

Габдулла Тукай исемендәге Мөслим урта мәктәбендә өченче буын университеты филиалы эшли. Анда өлкән яшьтәге 12 кеше компьютер технологиясе өлкәсендә белем ала. Укытучылары Илдус Идиятуллин җитәкчелегендә абый-апалар компьютерда эшләргә, дәүләт һәм муниципаль хезмәтләр сайтларыннан файдаланырга, шулай социаль челтәрләрдә эшләргә өйрәнәчәк. 2017-2018 елларга ике төркем укыту планлаштырылган. Компьютер курсларында укырга язылу өчен район пенсия бүлегенә мөрәҗәгать итәргә кирәк.