Волонтерлар бушлай үз ярдәмен күрсәтә

Райондашыбыз Морат Мирзаморатов, "Көмеш волонтерлар" хәрәкәтенең иң актив әгъзасы буларак, өлкәннәргә, ярдәмгә мохтаҗ райондашларыбызга, күпбалалы гаиләләргә һәм сугыш ветераннарына түләүсез нигездә үз хезмәтен тәкъдим итә. Ул бакча эшләрендә, җимеш агачларын, виноград куагын кисүдә, башка хуҗалык, көнкүреш эшләрендә, шулай ук яшелчә һәм чәчәк орлыклары белән ярдәм итә. "Изгелек орлыклары уңдырышлы туфракка төшкәндә генә мул уңыш бирә, дигән борынгылар. Күңелең киң булганда игелек һәм шәфкать, йөрәктәге миһербанлык һәркемгә дә җитәчәк", - ди Морат Мираморатов. Аның телефон номеры: 8-917-238-88-82.