Мөслим сәнгать мәктәбе укучылары әниләренә бүләк әзерли

Район сәнгать мәктәбе укытучысы Рәмзия Батырова 3 сыйныф укучылары белән фетрдан открытка ясау буенча ачык дәрес үткәрде. "Чәчәкле кактус" дип исемләнгән открыткалар әниләр көненә бик матур бүләк булды. Шунысын да әйтергә кирәк, бу көннәрдә рәсем сәнгате бүлегендә шөгыльләнүче балалар Әниләр көненә күптөрле эшләнмәләр ясый. 1 сыйныфлар декупаж ысулы белән бизәлгән сувенир тәлинкәләр әзерләде. Укучыларыбыз фоамиран кәгазе белән эшләү серләренә дә өйрәнә, дип хәбәр итәләр безгә сәнгать мәктәбеннән.