Мөслим районының мәдәният хезмәткәрләре "Җир сулышы" бәйгесендә диплом алды

Экология елы кысаларында "Җир сулышы" исемле IV республика конкурсы игълан ителгән иде. Анда Мөслим районының авыл мәдәният йортлары да катнашты. "Без - табигать балалары" исемле үзешчән балалар берләшмәсен җитәкләгән Иске Карамалы авылы мәдәният йортының сәнгать җитәкчесе Әнисә Биктимирова "Нәрсә белән ярдәм итә алабыз?" проекты өчен конкурсның III дәрәҗә лауреат дипломы белән бүләкләнде. Сал.Мухан авылы клубы җитәкчесе Илмира Әюповага социаль әһәмияткә ия мәдәни проектларда актив катнашканы, балаларда һәм үсмерләрдә әйләнә-тирәгә сак караш тәрбияләгәне өчен ТР Авыл хуҗалыгы министры Алмас Нәзировның рәхмәт хаты тапшырылды.