Мөслим-информ

Мөслим районы прокуратурасы җир кишәрлеге алу турында гаризаны канәгатьләндерде

Район прокуратурасы Сәфәргалиннар гаиләсен яклады. Аларга җир кишәрлеге бирүдән баш тарткан булганнар.

ТР Җир кодексының 32 маддәсе 3 пункты нигезендә муниципаль милектәге шулай ук дәүләт милке чикләнмәгән җирләрдән өч һәм анан да күбрәк балалы гражданнарга җир кишәрлекләре бушлай бирелә. ТР Җир кодексында әйтелгәнчә, җир сорап гаризабирү көненә балаларга 18 яшь тулмаган булырга тиеш.

Тикшерү барышында ачыкланганча, 2013 елдан 2015 елга кадәр район җир һәм милек мөнәсәбәтләре палатасы төрле сәбәпләр белән күп балалы Сәфәргалиннар гаиләсенең җир сорап язган гаризасын кабул итмәгәннәр. Нәтиҗәдә Сәфәргалиннар җир участогын алуга хокукларын югалтканнар, чөнки олы балаларына инде 18 яшь тулган.

Күп балалы гаиләнең, шулай ук аларның балигъ булмаган баласының хокукларын яклау максатында, район прокуратурасы Мөслим районы судына эш башкармауның законсыз дип табу, гаиләнең җир участогы алуга хокукларын торгызу һәм җир алуга хокуклы гражданнар исемлегенә кертү турында дәгъва җибәрде. Бу дәгъва гаризасы канәгатьләндерелде гаиләнең хокуклары янәдән гамәлдә.

Район прокуратурасы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: