Мөслим маеның даны күтәрелә

"Просто молоко" җаваплылыгы чикләнгән компаниясенең Мөслим филиалы һәр көнне 2 тоннадан артык ак май җитештерә. Әзер продукция республикага гына түгел, Россиянең эре шәһәрләренә дә озатыла. Коллекив һәр көнне 3-4 тонна сыворотка да эшләп чыгара. Аны хәтта Мәскәү, Екатеринбург шәһәрләренә дә алып китәләр. Филиалга һәр көнне шәхси хуҗалыклардан 30-40 тонна сөт китерелә. Оешманың тулы эшчәнлеген тәэмин итү өчен ул гына җитми, шуңа күрә сөтне читтән дә китертү юлларын эзлиләр.