Мөслим кибетләрендә продукция җитәрлек!

Коронавируска бәйле карантин булыр да кибетләр ябылыр, дип куркучылар бар. Мөслим кибетләренә продукция көнаралаш килә, көн саен товар китертүче кибетләр дә бар. Азык-төлек җитәрлек. Кибет киштәләре сәгате-сәгате белән бушап алса да, сатучылар аларны тутыра тора. Борчылыр сәбәп юк.

Республика үз җитештерүчеләре хисабына халыкны тулысынча азык-төлек белән тәэмин итә ала. Халыкның продукцияне күпләп алуыннан файдаланып, кайбер кибетләр азык-төлеккә бәяне күтәрергә яки яраклылык вакыты чыккан продукцияне тәкъдим итәргә мөмкин. Игътибарлы булыгыз!

Коронавируска килгәндә, республикада ситуация тотрыклы. Кайбер уку йортларында карантин кертелү, чит илләргә юл ябылу авыруны кисәтү максатыннан эшләнә.

Римма Афзалова фотолары.