Мөселманнар көч сынашты

Мөслимдәге универсаль спорт залында мөселман яшьләре арасында IV республика спартакиадасы үтте. Анда республиканың унбиш районыннан 300дән артык спортчы катнашты. Алар волейбол, кул көрәше, гер күтәрү, бадминтон, аркан тарту кебек ярышларда көч сынашты. Бадминтон буенча беренчелекне мөслимлеләр алды. Волейбол уенында сарманлыларга тиңнәр булмады. Аркан тартышуда Яр Чаллы егетләре беренчелекне бирмәде. Җиңүчеләргә дипломнар һәм Мөслим иганәчеләре ярдәме белән әзерләнгән кыйммәтле бүләкләр тапшырылды.