Мослим

Мәлләтамакта 11 млн сумлык мәдәният йорты төзелә

ТР Баш инвестицион-төзелеш идарәсенең директор урынбасары Рафар Шакиров Мөслимдә эш визиты белән булып китте. Рафар Мирзанурович иң элек Мәлләтамакта сафка басып килүче мәдәният йортын карады. Авыл клубы белән бер түбә астында китапханә, фельдшер бүлмәсе, җирле үзидарә урнашыр дип планлаштырыла.

Төзелешкә барлыгы 11 млн сум акча сарыф ителәчәк. Бинаның стеналары күтәрелеп беткән. Бу атнада тәрәзәләр куелып, түбә ябу, штукатурлау эшләре дә башланып китәчәк. Эшне Яр Чаллы шәһәренең "Евростиль" төзү оешмасы башкара. Объектны тулаем 20 августка тапшырырга планлаштыралар.

Чираттагы тукталыш - Мөслимдә тиздән кулланылышка тапшырылачак "Күбәләк" балалар бакчасы. 140 урынга исәпләнгән ике катлы бинаның түбәсе ябылып, тәрәзәләр куелды. Эчке буяу эшләренең бер каты төгәлләнде, линолеум җәелә башлады, электр үткәрелеп бетү алдында, телефон һәм интернет челтәрләре сузыла. Бакча территориясендә балалар өчен уен верандалары да эшләнә, бүгенге көндә аларның конструкцияләрен төзү бара. Хәзер объект территориясен төзекләндерү, эчке инженерлык челтәрләре эшләрен төгәлләү, җиһаз комплектлау эшләре генә калып килә. Бинаны 1 августка кулланышка тапшыру бурычы куелган.

Рафар Мирзанурович капиталь ремонт башланып киткән поликлиника бинасында да булып, төзелешкә бәйле үз фикерләрен җиткерде. Ремонт өчен республика бюджетыннан 64 млн сум күләмендә акча кайтачак.

Ветераннар өчен Пушкин урамы, 96 нчы йорт адресы буенча салынучы йортта да эшләр кызу темп белән бара. Мөслим хуҗалыкара төзелеш оешмасы эшчеләре йортның беренче катын күтәреп бетергән дияргә була. Йорт 15 ноябрьгә үзенең хуҗаларын кабул итәр дип планлаштырыла.

Рафар Шакиров төзелеш объектларында барган эшләргә уңай бәя биреп, алга таба эшне тагын да тизләтү кирәклеген ассызыклады.

Лилия Шәймиева.

Нравится
Поделиться:
Реклама
  • Тарихи вакыйга
  • Көзге чакырылыш
  • Агач утырту – изге эш
  • Әтиләр советы
  • Республиканың иң танылган язучы-әдипләре кунакта
  • “Кояшлы Ык” ял зонасына өмә
  • Автоледи конкурсы
  • ВДВ десантчылар бәйрәме
  • Велойөреш
  • Нәниләр чемпионаты
Реклама
Комментарии (0)
Осталось символов: