"Минем еллар – минем байлыгым". Мөслимлеләр – икенче урында

Аксубайда "Минем еллар - минем байлыгым" исемле республикакүләм бәйге-фестиваль үтте. Анда районыбызның картлар һәм инвалидлар йортында тәрбияләнүчеләр катнашты. Аларга "Рябинушка" рус халык фольклор ансамбле теләктәшлек һәм зур ярдәм күрсәтте. Мөслимлеләр әлеге фестивальдә 23 конкурсант арасыннан икенче урынга лаек булдылар. Аларга истәлекле бүләкләр һәм фестивальнең икенче дәрәҗә дипломы тапшырылды. Безгә булышлык, вокал номинациясендә номерыбызны күрсәтүдә ярдәм иткәннәре өчен "Рябинушка" фольклор ансамбленә, Михайловка авылы мәдәният йорты директоры Фиалка Хафизовага рәхмәтләребезне җиткерәбез дип, хәбәр итәләр район картлар һәм инвалидлар йортыннан.