Мөслим-информ

Милли проектларны гамәлгә ашыруга Татарстанда бер ел эчендә 21,9 млрд. сум юнәлдереләчәк

Федераль һәм республика бюджетлары акчалары уңайлы мохит үсешенә, төзелешкә һәм башка проектларга юнәлдереләчәк.

2021 елда Татарстанда милли проектларны гамәлгә ашыруга 21,9 млрд. сум юнәлдерергә планлаштыралар. Бу акчаларның зур өлешен федераль бюджеттан-14 млрд. сум бүлеп биреләчәк. Финанслау килешүләре ярдәмендә Татарстан якынча 16,4 млрд. сум алачак, ә тагын 7,9 млрд.сум республика бюджетыннан өстәләчәк. Бу хакта ТР Икътисад министрлыгы хәбәр итә, ул Татарстан территориясендә төбәк проект офисы булып тора.
Татарстанда 13 балалар бакчасы төзергә планлаштыралар, республика башкаласында иң зур мәктәпләрнең берсе барлыкка киләчәк. Татарстан Республикасында шулай ук өч яңа мәдәният йорты төзеләчәк һәм ике балалар мәктәбендә капиталь ремонт ясалачак. Кукмарада яңа спорт залы барлыкка киләчәк, республиканың тагын ике авыл җирлегендә капиталь ремонт көтә.
Лаеш районының Никольское авылында Мишә елгасы кушылдыклары, Мамадышта Нократ елгасы һәм Лаеш районының Державино авылында өч су объекты чистартылачак. Моннан тыш, төзелеш һәм реконструкция биш су белән тәэмин итү челтәренә, бер биологик чистарту корылмасына һәм бер су әзерләү станциясенә кагылачак. Шулай ук 54 парк һәм скверны төзекләндерү планлаштырыла.
Исегезгә төшерәбез, илдә милли проектларны гамәлгә ашыруга Россия Президенты Владимир Путин 2018 елда старт бирде. 2020 елның 21 июлендә РФ Президенты Указы белән милли максатларга ирешү срогы 2030 елга кадәр үзгәртелде. Россиялеләрнең сәламәтлеге һәм иминлеге, уңайлы мохитне үстерү, талантларны үстерү һәм үз-үзләрен күрсәтү өчен мөмкинлекләрне киңәйтү, шулай ук хезмәт нәтиҗәлелеген һәм эшкуарлык уңышлылыгын арттыру төп максатлар булды.

Тулырак мәгълүмат: https://www.tatar-inform.ru/news/politics/25-01-2021/na-realizatsiyu-natsionalnyh-proektov-za-god-v-tatarstane-napravyat-21-9-mlrd-rubley-5800874

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: