Метрәйдә бүген күпфункцияле үзәк ачылды

Метрәй авыл җирлегендә бүген җирлектә күпфункцияле үзәк ачылды. Үз эченә башлангыч мәктәп, балалар бакчасын, фельдшер-акушерлык пунктын, авыл җирлеген һәм участок полициясе бүлмәсен алган үзәк сигез ай эчендә сафка басты. Метрәйлеләрнең шатлыгын уртаклашырга кунаклар да күп килде. Район башлыгы Рамил Муллин рәхмәт сүзләрен җиткерде. Метрәй авыл җирлеге башлыгы Рунар Сәхбетдинов, төзекләндерү эшләрен башкарган "Шах" җәмгыяте җитәкчесе Айрат Шәмсетдинов та тәэсирләре белән уртаклаштылар.

Авыл халкы да, әлеге үзәкнең авылга кирәкле һәм мөһим булуын җиткерделәр. Бәйрәмнәр белән тәбрикләделәр.

Кунаклар, үзәк белән танышты, бүлмәләрне карадылар. Башлангыч мәктәп укучылары Белем көнен бәйрәм итте.