Мөслим-информ

Маникюр, педикюр гына димәгез..

Кулланучыларга чәчтараш, маникюр, педикюр, тырнак “үстерү”, косметика хезмәтләре күрсәтүче оешмаларга түбәндәге законнар һәм норматив документлар таләпләрен төгәл үтәү зарур: “Кулланучылар хокукларын яклау турында” РФ Законы, “Халыкка көнкүреш хезмәтләре күрсәтү кагыйдәләре” РФ Хөкүмәте карары, “Чәчтараш һәм косметика хезмәтләре күрсәтүче коммуналь-көнкүреш оешмаларының урнашу, җиһазлау, тоту һәм эш режимына санитария-эпидемиологик таләпләр”, “Көнкүреш хезмәтләре. Чәчтараш хезмәтләре. Гомуми техник шартлар”.

Үз хокуклары һәм бурычларын белгән очракта матурлык салонында күрсәтелгән хезмәттән файдаланучы төрле хәлләрдә үзен яклый ала. Иң мөһиме – “Кулланучылар хокукларын яклау турында”гы законны үтәү һәм дөрес куллану. Закон сатучыларга, башка төрле хезмәт күрсәтүчеләргә күрсәтелгән хезмәтнең сыйфаты өчен җаваплылыкны билгели. Әйтик, маникюр ясаган вакытта тырнакларын каплаган лак ике атна торырга тиеш булып, икенче көнгә үк кубып төшсә, клиент закон нигезендә үз хокукларын яклый ала. Кагыйдә буларак, матурлык салоннары маникюр өчен бернинди дә гарантия бирмиләр. Иң мөһиме – күрсәтелгән хезмәт өчен моны раслаучы документ алу. Ул касса яисә товар чегы булырга мөмкин. “Кулланучылар хокукларын яклау турында”гы закон нигезендә клиент хезмәтнең тиешенчә күрсәтелмәве белән бәйле таләпләрен куя ала, әгәр ул таләп гарантия срогында куелса, гарантия срогы билгеләнмәгән очракта – канәгатьләнерлек вакыт (разумный срок) хезмәт күрсәтелгәннән соң ике ел эчендә, диелә. Маникюр мәсьәләсендә канәгатьләнерлек вакыт төшенчәсенә, кызганыч, законда анык кына аңлатма бирелми. Димәк, бу срокны клиент үзе билгели ала. Шул ук вакытта тырнактагы лак ике-өч көннән дә куба, маникюрның кайбер төрләрендә ике-өч атнага да түзә.
Нәтиҗә – кулланучыга физик яисә матди зыян китергән матурлык салоны барлык процедураларны үз хисабына башкарырга бурычлы.
Эльвира Милочкина,
ТР Дәүләт алкоголь инспекциясенең Түбән Кама территориаль органы белгече.

Фото-Pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: