ЛӘЙСӘН ТАИШЕВА ӘНИ БУЛДЫ!

Шатлыклы сөенечне Ләйсәннең бертуган абыйсы Фәритнең хатыны Ландыш Нигъмәтҗанова хәбәр итте. "Ура! Безнең Ләйсәнебез дә бүген әни булды! Котлыйбыз! Исән-сау, әти-әнисенә зур шатлык, бәхет булсын! Тагын бер кечкенә, тәмле малай дөньяга килде!" - дип язган Ландыш интернетта.

Ләйсәнне һәм Александрны уллары тууы белән котлыйбыз, нык сәламәтлек телибез!

Ләйсәннең үзе белән сөйләшкәннән соң, Интертат укучыларына тулырак мәгълүмат бирергә вәгъдә итәбез.