Мөслим-информ

Лейкоз – куркыныч авыру

Лейкоз (лейкемия, ак канлы­лык) – дәваланмый торган, яман шеш табигатьле йогышлы авыру.

“Шәхси хуҗалыкларда лейкоз авырулы сыерлар күп. Ветери­нария табибы терлек хуҗасына малның авыру булуы хакын­да әйткәч, ышанмаучылар да бар. Шуңа алар сыер асраула­рын дәвам итәләр: сөтен сава­лар, сыерны көтүгә куалар, шу­лай итеп авыру таралуга сәбәпче булалар”, – диләр ТР буенча Рос­сия авыл хуҗалыгы күзәтчелеге дәүләт инспекторлары.

Лейкоз (лейкемия, ак канлы­лык) – дәваланмый торган, яман шеш табигатьле йогышлы авыру. Кандагы лейкоцитлар саны арту һәм эчке органнарда яман шеш хасил булу нәтиҗәсендә аларның функцияләре бозылу. Авыруның бе­ренче стадиясендә аның билгеләре күренми.

Белгечләр әйтүенчә, бу авыру­га күп сөт бирүче сыерлар дучар була. Андый сыерларның орга­низмы бар көчен сөт эшләп чыга­руга юнәлтә, шуңа иммунитетла­ры кими. Кандагы үзгәрешләрне бары тик лабораторияләрдә генә билгеләргә мөмкин, диләр белгечләр. Тикшеренүләрнең се­рологик методлары (РИД һәм ИФА) белән диагностика ясала.

Лейкоз – куркыныч авыру. Авы­руны кузгатучы чыганак – лей­коз вирусы белән зарарланган терлекләр. Вирусны йоктыру фак­торлары: лейкоз вирусы белән за­рарланган кан, сөт һәм башка бүлендекләр. Мөгезле эре терлекләр арасында лейкоз таралуга сәламәт һәм зарарланган хайваннарны бергә тоту; уртак көтугә чыгару; бо­зауларга авыру сыерларның сөтен һәм угызын эчертү; лейкоз белән за­рарланган үгезләрне орлыкландыру өчен куллану, ветеринария-зоотех­ник чаралары вакытында асепти­ка һәм антисептика кагыйдәләрен үтәмәү (кан алу, вакцинация, рек­таль тикшеренүләр, тамгалау һ.б.) сәбәп булып тора, диләр ветеринар­лар. Бер тапкыр чир йоктырган хай­ваннар гомерлеккә йогышлы булып кала. Лейкозлы сыерларның сөтен ризык буларак кешеләргә файда­лану тыела, диләрТР буенча Россия авыл хуҗалыгы күзәтчелеге дәүләт инспекторлары.

Авыру терлекне хуҗалары су­гымга тапшырырга бурычлы. Тер­лек торагын дезинфекцияләргә кирәк. Сәламәт терлекләрне бары тик ветеринария белешмәләре бул­ган хуҗалыклардан гына сатып алу шарт. Мөгезле эре терлекләрнең лейкоз вирусы белән көрәшү һәм кисәтү чаралары кагыйдәләрен бозган өчен административ җаваплылык каралган.

Мөнирә Арсланова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: