“Кызыл, сары, яшел!” исеме астында конкурс үткәрелде

Башлангыч сыйныф укучылары арасында " Кызыл, сары, яшел!" исеме астында балалар юл-транспорт травмасын профилактикалау буенча ярышлар үтте. Бәйгедә 17 команда катнашты. Мөслим гимназиясе базасында “Кызыл, сары, яшел!” исеме астында үткәрелгән конкурста 2-4 сыйныф укучылары көч сынашты. Агитбригадалар конкурсында 1 нче урынны Мөслим гимназиясе командасы алды, 2 нче урында Кубәк мәктәбе, 3 нче урында Яңа Усы мәктәбе командасы. Төрле номинацияләрдә Мөслим лицее, Мөслим урта мәктәбе, Рус.Шуган, Мари Бүләр, Олы Чакмак, Вәрәшбаш мәктәбе командалары җиңүче булды. Баланлы, Тат. Бүләр, Баек, Салавыз Мухан, Мәлләтамак, Үрәзмәт мәктәпләре командалары конкурс дипломантлары булдылар.

Фото – “Мөслим-информ” архивыннан.