Кырлар хроникасы

Район буенча 81 процент мәйданда игеннәр җыеп алынды. Аграр көллият филиалы уракны төгәлләде. "Туган як" агрофирмасы да урып-җыюның финишына якынлаша, "Исламов", "Авзалов" КФХ ларында да эш темпы югары. Шул ук вакытта "Органик-Групп" җәмгыятенең "Ык" һәм "Урожай" агрофирмаларында игеннәр 50 процент мәйданда гына җыеп алынган. Бөртеклеләрнең гектар биреме район буенча 25 центнер тәшкил итә. "Туган як" та һәм "Исламов" хуҗалыгында һәр гектардан 28 центнер уңыш алалар. Аграрийлар бер үк вакытта көзге культуралар чәчүгә креште. Бүгенге көнгә 3000 гектарда арыш һәм көзге бодай чәчелде.