Кул көрәшендә мөслимлеләр – беренче бишлектә

Күптән түгел генә сафка баскан универсаль спорт бинасында армрестлинг группасы да ачылды. Анда ике төркемдә 14 яшьтән 18 яшькә кадәрге 30 бала шөгыльләнә. Егет-кызлар шушы көннәрдә Чистай шәһәрендә армспорт буенча Татарстан беренчелегенә үткән ярышларда булып кайттылар. Безнекеләр, әле бер ай гына шөгыльләнүләренә карамастан, матур нәтиҗәләр күрсәтте. Резедә Сәяхова - бишенче, Раил Нургалиев (гимназия укучылары) һәм Рузил Шәмсиев (аграр көллият) дүртенче урынны яулады. Илнур Кәримов (Г. Тукай исемендәге Мөслим мәктәбе), сул һәм уң кул көрәшендә икенче урынны яулап, көмеш медальгә лаек булды.