Мөслим-информ

Кукуруз уңышын җыеп алу буенча алдынгы районнар арасында Мөслим дә бар (ИСЕМЛЕК)

Быел кукуруз барлыгы 240,7 мең гектар мәйданда чәчелгән иде.


(Казан, 27 октябрь, "Татар-информ", Лилия Локманова). Татарстанда кукуруз мәйданнарында уңыш җыю ахырына якынлашып килә. Татарстан Авыл хуҗалыгы һәм азык-төлек министрлыгы хәбәр итүенчә, Əлмәт, Əтнә, Яңа Чишмә, Саба районнарында әлеге культураны җыю төгәлләнгән. Актаныш, Зәй, Алабуга, Баулы, Менделеевск, Мөслим, Түбән Кама, Чистай, Ютазы районнарында исә эш 90-98 процентка төгәлләнгән.

Спас районында, киресенчә, тиешле мәйданның 27 процентында гына эш башкарылган. Алексеевск, Мамадыш районнарында - 41 әр процент, Югары Осланда - 46 процент, Кама Тамагында - 51 процент, Чирмешәндә 58 процент мәйданда кукуруз уңышы җыеп алынган.
Татарстан буенча бу күрсәткеч 73 процентны тәшкил итә, ягъни 175,4 мең гектар мәйданда эш төгәлләнгән. Быел кукуруз барлыгы 240,7 мең гектар мәйданда чәчелгән булган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: