Крәш.Шуранда Авыл көне үтте

Бүген Крәш. Шуран авыл җирлегендә семинар-киңәшмә үтте. Аның эшендә район башлыгы Рамил Муллин, район башкарма комитеты җитәкчесе Алмаз Хамматов, бүлек мөдирләре, авыл җирлекләре башлыклары катнашты. Семинарда катнашучылар авыл җирлеге территориясендә урнашкан "Радиал" оешмасы, сыр җитештерүче Николай Алчинның кече заводы, шәхси эшмәкәрләр, үз хуҗалыгында күпләп терлек асраучы Николай Петровның эшчәнлеге белән таныштылар. Шулай ук халыкка хезмәт күрсәтүче авыл мәдәният йорты, фельдшер-акушерлык пункты, гомуми белем бирү мәктәбе, авыл музеенда булдылар. Зиратларның торышы, Ташъелга авылында шәхси хисапка ясалган "Тонтак" чишмәсе дә кунакларда соклану уятты.