Күпбалалы әниләр хөрмәтләнде

ТР Президенты Рөстәм Миңнеханов тормыш иптәше Гөлсинә ханым белән күпбалалы әниләрне хөрмәтләде. Чара Казан кремлендә узды. Бәйрәмдә республиканың төрле шәһәр һәм районнарыннан 46 гаилә катнашты. Алар арасында райондашларыбыз - Луиза белән Нияз Габдрахмановлар да бар иде. Биш бала әнисе Луизага тантаналы шартларда "Ана даны" медале тапшырылды. Бу көнне Габдрахмановлар ил башлыгыннан чәчәк гөлләмәләре, истәлекле бүләкләр дә кабул итеп алды.