Котлыйбыз!

Әти-әниебез сокланырлык та, горурланырлык та хезмәт юлы узган. Әтиебезгә төрле эшләрдә эшләргә туры килгән. Фермада мал да караган ул, балта остасы да булган, аның куллары белән төзелгән йортлар районыбызда – бихисап. Әниебез гомерен Мөслим, Атлас, Ташлыяр, Михайловка авыллары халкына медицина хезмәте күрсәтүгә багышлаган. Әти-әниебез яшьлекләрендә корган тату, матур гаиләдә 2 ул һәм 3 кыз үстергәннәр. Балалар, әти-әнидән үрнәк алып, эш сөючән булып үскән, белем алган. Хәзер инде һәрберебез мөстәкыйль тормыш көтә. Әти-әниебез мәхәббәт җимешләре бүләк иткән 11 оныкларына, 6 оныкчыкларына сөенеп яшиләр. Ташлыяр авылындагы төп нигездә икесе генә гомер итсәләр дә, йортларыннан кунак-төшемнең өзелгәне юк. Көн саен диярлек балалар кайтып тора: хәл белешеп, йорт эшләрендә булышып китәләр. Әтиебез белән әниебез Аллаһы Тәгаләдән тигезлек, сәламәтлек сорау белән беррәттән, ил-көнгә тынычлык, оныкларга матур киләчәк сорап яши. Ә без – балалар – әти-әниебез белән чын күңелдән горурланабыз, аларга сокланабыз һәм үрнәк алабыз. 
Әти, әни! Кадерлеләребез! Сезне гаилә бәйрәмегез белән ихластан котлыйбыз! Сезгә сәламәтлек, күңел тынычлыгы, хәерле озын гомер телибез. Туар таңнарыгыз кояшлы булсын һәм бары шатлык-сөенечләр, бәхет кенә китерсен. Балаларыгызның, оныкларыгызның кадер-хөрмәтендә тагын бик күп еллар пар канатлар булып яшәргә язсын. 
Рәхмәт сезгә яшәгәнегез өчен, 
Рәхмәт сезгә безне яшәткәнегез өчен. 
“Балам” диеп, күз нурларын жәлләмичә, 
Кайткан саен назлап, 
сөеп озатканыгыз өчен. 
Сезне яратып һәм хөрмәт итеп, балаларыгыз, оныкларыгыз.