Компьютер уеннары дин тарафыннан рөхсәт ителәме? (сорау-җавап)

- Әссәләмү галәйкүм үә рәхмәтүллаһи үә бәракәтүһ!

Мөселман кешесе хәрам эшләрдән тыелырга һәм дөньясы яки ахирате өчен файдасыз булган гамәлләрдән ерак булырга тиеш. Әгәр шушы уеннар аның Аллаһка гыйбәдәтенә (намаз, Коръән, зикер, ураза...), гаиләсендә үз бурычлары, вазыйфасына зыян китерә икән, ул хәрам хөкеменә менә, ди галимнәр. Мондый уеннарның кешене бәйлелеккә төшерү куркынычы зур икән, шулай ук динебез тарафыннан тыела. Әгәр дә якыннарыбыз арасында шушындый кешеләр бар икән, дога кылып, хикмәт белән аңлатырга тиеш булабыз.