"Интертат.ру" электрон газетасы укучысының әлеге соравына Казанның 7 нче шәһәр хастаханәсе 1 нче сырхауханәсенең терапия бүлеге мөдире Гүзәл Сәгыйтова һәм Яр Чаллы шәһәренең 7 нче сырхауханә терапевты Ләйсәния Әгълиева җавап бирә.
Гүзәл Сәгыйтова:
Компьютер алдында озак утырганда, умыртка баганасының муен бүлегендә мускул тукымалары гипертонусы барлыкка килә. Бу бик зыянлы. Шуңа да 45 минут компьютер алдында утырганнан соң, 15 минут дәвалану физкультурасын эшләргә кирәк. Муен-күкрәк остеохондрозы мускулларга кан килү бозылуына һәм имускуллар катуына китерә. Менә шуннан сызлавы кулга төшә. Вертеброневрологка мөрәҗәгать итәргә, шулай ук эшен алмаштырырга кирәк. Башка эш тапса, хәерлерәк.
Ләйсәния Әгълиева:
Уң иңбашы авырту компьютерда эшләгәннән булырга мөмкин. Сызлауны басар торган мазьлар сыларга була. Сызламасын өчен, махсус күнегүләр ясарга, бассейнга йөрергә кирәк.
Нет комментариев