Колоноскопияне Мөслимдә үтәргә була

Онкологик авыруларны иртә ди­агностикалаганда гына аны җиңү мөмкинлеге бар, ди табиблар. Уз­ган ел әлеге авыру 79 районда­шыбызны якты дөньядан алып киткән. Быел тагын 6 кеше шушы авыру корбаны булган.

Район поликлинкасының онко­логия кабинеты шәфкать туташы Дилбәр Шабаева хәбәр итүенчә, яман шешнең эчәклекләрдә табылу очра­клары күп. Шуны истә тотып, яман шешне иртә срокларда ачыклау мак­сатында район үзәк хастаханәсенә колоноскопия өчен җиһазлар кай­тарылган.

– Колоноскопия (аны фиброколо­носкопия дип тә йөртәләр) – эндо­скопик диагностика алымы. Табиб эндоскоп ярдәмендә юан эчәкнең эчке өслеге торышын карый һәм бәяли. Колоноскопия җәрәхәт (язва), 1 мм һәм аннан зуррак булган поли­пларны ачыклау мөмкинлеген бирә, – ди поликлиниканың хирург-эндо­скописты Дамир Хамматов.

Эндоскопия яман шешне диагно­стикалау һәм дәвалау мөмкинлеген бирә. Хастаханәгә әлеге куәтле аппа­ратны кайтаруда игелекле эшмәкәр Илгиз Исламов ярдәм иткән.

Узган ел 277 райондашыбызга полиэктомия ясалган. Дамир Хам­матов билгеләп үткәнчә, тикшерү узган һәр бишенче кешедә, ягъни пациентларның 30 процентында полиплар булуы ачыкланган. Юан эчәклектәге полиплар хатын-кыз­ларда күкрәк бизендәге яман шештән соң – икенче, ир-атларда үпкә рагын­нан соң өченче урында тора.

– Алга киткән илләрдә юан һәм туры эчәклек яман шеше – киң та­ралган авыру. Яман шешнең бу төре белән өлкәннәр дә, яшьләр дә авы­рый. Кайберәүләр: “Бу төр яман шеш төрле диеталар аркасында барлыкка килә”, – дип саный. Мин алай димәс идем, үсү өчен 35 яшькә кадәр ит ашарга кирәк. Мускуллар үсеш ал­сын, органнар формалашсын өчен аксым мөһим. 30 яшьтән матдәләр алмашы акрыная. Аксым һәм тер­лек майларын артык куллану орга­низм өчен зарарлы була башлый. Өстәвенә, яшь барган саен, кеше азрак хәрәкәтләнгәндә, эч катулар башлана. Нәтиҗәдә полип барлык­ка килә (полип – аномаль яман бул­маган шеш) һәм бу колоректаль яман шешкә нигез булып тора, – ди Дамир Хамматов.

Күп очракта кеше яман шешнең соңгы стадиясендә генә табиб­ка мөрәҗәгать итә. Башлангыч стадияләрдә яман шеш үзен сиз­дерми, кеше үзен сау-сәламәт кебек хис итә. Авыруның симптомнары – хәлсезлек, аппетит булмау, кан килү, эчәклек тыгылу.

– Тизәктә яшерен канны ачы­клау өчен тест ясала. Сәламәт кешеләрнең бер процентында бу тест уңай нәтиҗә бирә. Тест уңай нәтиҗә биргән кешеләрнең якынча биш про­центына юан эчәклек яман шеше ди­агнозы куела, 20-30 процентында исә полиплар табыла. Скрининг по­липлар эзләүгә юнәлтелгән. Поли­пларны алып аткан очракта яман шеш үсү өчен сәбәп булмаячак, – ди поликлиниканың хирург-эндоско­писты Дамир Хамматов.

Лилия Шәймиева.

Автор фотосы.