Мөслим-информ

Көннәр җылыта, ләкин эссе җәй булмаячак (МЕТЕОФАРАЗЛАР)

Алдагы 10 көндә Татарстан территориясендә уртача көнлек температура нормадан 1 градуска түбәнрәк булачак. Бу хакта "Татар-информ" мәгълүмат агентлыгы уздырган матбугат конференциясендә Татарстан Республикасы Гидрометеорология һәм әйләнә-тирә мохитне күзәтү идарәсенең метеофаразлар бүлеге җитәкчесе Ирина Трущина хәбәр итте, дип яза "Матбугат.ру" сайты.

"Киләсе атна урталарыннан уртача һава температурасы нормага киләчәк", - диде Ирина Трущина. - "Безгә җәй килде инде, әмма ул бераз салкынча гына", - дип тәгәенләде белгеч.

Моннан тыш, Татар-информ хәбәр итүенчә, белгеч "Көз җылы булырмы?" дигән сорауга да җавап бирде.

"2010 елның эссе җәеннән соң булган фаразлар күрсәткәнчә, артык эссе җәйдән соң салкын кыш килү ихтималы 50 гә 50 генә. Шуңа да июльдә эсселәр башланып, шундый һава торышы сентябрьгә кадәр сакланыр, дип әйтеп булмый. Хәзер бу сорауга җавап бирү кыен", - диде белгеч.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: