“Киләчәк” паркында эш гөрли

Мөслимнең “Киләчәк” паркында эш гөрли. Районның оешма-предприятиеләре көче белән бу көннәрдә Сабантуй узачак мәйданда төзекләндерү эшләре бара. Паркка төшә торган юл асфальт белән эшләнеп килә. Ике меңнән артык машинага исәпләнгән алты парковка ясалды. Сабантуй узычак мәйдан территориясендә зур һәм кече амфитеатр ясалды. Алар барлыгы 7 мең кешене сыйдыра ала. Шулай ук зур сәхнә дә эшләнеп бетте.Бу атнада Сабантуй мәйданында рулонлы газон җәю эше бара. Газонга су махсус автоматлаштырылган газон системасы белән сибеләчәк. 10шар тонна су сыешлы савытлар мәйдан территориясе янәшәсенә урнаштырылган.