Хыялга тугры калып

Мөслимдә яшәүче Рәшит Шәфыйков кечкенәдән хәрби очучы булырга хыяллана һәм теләгенә ирешә дә. Гомерен хәрби очучы-сынаучы һәнәренә багышлый. Училище тәмамлаганнан соң, лейтенанттан башлап полковник дәрәҗәсенә күтәрелә, хәрби академия тәмамлый, полк командиры вазыйфасын башкара,  “Россиянең атказанган хәрби очучысы” дигән мактаулы исемгә лаек була. Бүгенге бәйрәм белән ул барлык авиаторларны тәбрик итә. Рәшит абыйның үзенә дә сәламәтлек, озын гомер телибез. "Безнең җирлектән минем һәнәрне үз итүчеләр  булсын иде", дип хыяллана очучы. 

Наилә Сәлахова фотосы