Реклама
Яңалыклар
Хушлашу сүзе
Район Советы, Башкарма комитеты, ветераннар советы, “ТАТМЕДИА” акционерлык җәмгыятенең “Мөслим-информ” филиалы, район җәмәгатьчелеге якташыбыз, хезмәт ветераны – элеккеге елларда район газетасы редакторы, ВЛКСМ райкомының беренче секретаре, КПСС райкомының икенче секретаре булып эшләгән Вәлитов Марсель Галиәкбәр улы вафат булу сәбәпле туганнарының, якыннарының тирән кайгысын уртаклаша.
Вәлитов Марсель Галиәкбәр улы 1937нче елның 3 октябрендә Мөслим авылында туган.
Алабуга педагогия институтын тәмамлагач, Марсель Вәлитов Мөслимдә “Колхоз байрагы” район газетасының җаваплы секретаре булып эшли башлый. 1960 елның апрель аенда район комсомол комитетының беренче секретаре итеп сайлана. Армиядән соң Сарманда “Ленинчы” район газетасында дубляж редакторы урынбасары булып эшли (Мөслим районы беткән чак). Өч елга якын сузылган мәҗбүри тәнәфестән соң, район яңадан оешу уңаеннан газета чыгаруны оештыруны Марсель Вәлитовка тапшыралар. Ул бу эшне кыска вакыт эчендә башкарып чыга. 1965 елның апрель аенда Мөслим район газетасы яңа исем астында – “Авыл утлары” (“Сельские огни”) – яңадан чыга башлый. 1967 елда Марсель Галиәкбәрович Вәлитов КПСС райкомының икенче секретаре итеп сайлана. Шушы елларда аның оештыру сәләте һәм җитәкче сыйфатлары ачык күренә. Һәркемгә якын килү, үтенеч- сорауларны аңлый белү, кешеләргә ярдәмчеллек – аның гомерлек сыйфатлары. “Мөслим халкы кебек тырыш булырга омтылдым”, – ди ул.
КПСС райкомының икенче секретаре булып эшләгәндә Марсель Вәлитов хужалык, мәдәният, мәгариф, медицина органнары, совет, профсоюз, комсомол һәм башка җәмәгать оешмалары эше белән турыдан-туры җитәкчелек итә. Ул кадрлар белән эшләүне, аерым алганда, урта буын кадрларны сайлап алу һәм тәрбияләүне игътибар үзәгендә тота, авылның киләчәген, район хуҗалыкларын квалификацияле эшче-колхозчылар белән тәэмин итү турында кайгырта. Аның тырышлыгы белән бу елларда Мөслимдә авыл профессиональ-техник училищесы ачыла.
Соңрак КПСС Үзәк Комит е ты каршынд агы иҗтимагый фәннәр академиясендә белем ала. 1973 елда Марсель Вәлитов аспирантураны тәмамлый, диссертация яклап, экономика фәннәре кандидаты гыйльми дәрәҗәсен ала. ВЦСПС аппаратында производство-масса эше секторы мөдире булып эшли. СССР профсоюзларының съездларын хәзерләүдә, бу мәсьәлә буенча союзара конференцияләр үткәрүдә актив катнаша. ГДР, Венгрия, Португалия һәм Кореядә СССРның социаль-экономик үсеше, профсоюз хәрәкәте кебек темаларга лекцияләр укый.
1990 елда Мәскәүдә Марсель Вәлитовның актив катнашында профсоюзларның “Профсоюзы и экономика” журналы оештырыла, якташыбыз аның баш мөхәррире була. Соңгы елларда “Проф- Эко” нәшриятын да җитәкли.
Якташыбыз – фән өлкәсендә танылган галим, икътисад фәннәре докторы, профессор, ике халыкара академиянең әгъзасы, Россиянең атказанган мәдәният хезмәткәре. СССР Халык хуҗалыгы казанышлары күргәзмәсе медаленә, башка медальләргә лаек була.
Вәлит ов Марс е л ь Галиәкбәр улының якты истәлеге безнең күңелләрдә мәңге сакланыр.
Муллин Р.Х., Демидов Р.Т., Әхмәтҗанов А.М.,
Гарипов Р.Г., Афзалова Р.Р., Низамов И.Х., Шәрипов Р.М.,
Садриев Ф.М., Әхмәтҗанов М.З.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев