Күңелләрегездә җылылык

Җирлегебездә 78 гаиләдә тәрбиягә алган 173 бала тәрбияләнә. Татарстанның төрле районнары, Ростов, Астрахань өлкәләреннән әти-әни назыннан мәхрүм булган сабыйлар Мөслим районында гаилә җылысын тапты. Шушы көннәрдә асрамага бала алырга теләк белдергән тагын өч гаилә Яр Чаллы шәһәрендәге педагогия институтына белем алырга җибәрелде. Алар әлеге уку йортында өч ай буе белем алачак. Уку турында сертификат бирелгәч, бу гаиләләр районның опека һәм попечительлек бүлегендә кандидат булып теркәлә. Соңыннан аларның эше комиссиядә карала.