Мөслим-информ

Муслюмовский район

18+
2024 - Гаилә елы
Яңалыклар

Көчле яңгырлар һәм кискен җил сәбәпле, Татарстанда шторм кисәтүе игълан ителде

Республикада көчле яңгырлар, яшен, боз явуы һәм секундына 24 метр тизлектә исүче җил көтелә.

(Казан, 24 июнь, “Татар-информ”). Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча, якын арада республикада кисәк кенә һава торышы бозылырга мөмкин. Бу хакта Гадәттән тыш хәлләр министрлыгының матбугат хезмәтендә хәбәр иттеләр.

“Татарстанда шторм кисәтүе игълан ителде. Алдагы өч сәгатьтә һәм көн азагына кадәр Татарстанның көньяк районнарында яшен, көчле яңгыр, боз явуы һәм секундына 24 метр тизлектә исүче җил көтелә”, - диелә хәбәрдә.

Татарстан буенча Россия Гадәттән тыш хәлләр министрлыгы Баш идарәсе, һава торышы начарланганда реклама такталарыннан, юл билгеләреннән һәм электр үткәргеч линияләреннән ераграк торырга кирәклеген искәртә. Зур агачлар янында торырга, алар янында машиналарны да калдырырга ярамый.

Көчле җилдән сакланырга теләп, йорт диварларына яки җәмәгать транспорты тукталышларына да ышыкланырга ярамый. Көчле җил вакытында түбәләрдән шифер кисәкләре яки башка түбә ябу материаллары төшәргә мөмкин.

Бу хакта тулырак: https://tatar-inform.tatar/news/2019/06/24/188637/

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама
Реклама
2
X