Казанда юл-транспорт һәлакәтендә пассажирның гомере өзелгән

Һәлакәт ТЭЦ урамындагы 491а йорты каршында булган, дип яза «Татар-информ». Казанның Мәскәү районында «Опель» автомобиле кюветка очкан, пассаҗир һәлакәт урынында ук үлгән, дип хәбәр иттеләр "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә. «Опель Астра» автомобиленең 24 яшьлек йөртүчесе тизлеген арттырган һәм автомобиль белән идарә итә алмыйча кюветка очкан. Һәлакәт ТЭЦ урамындагы 491а йорты каршында булган. Һәлакәт аркасында автомобильнең ике пассажиры төрле тән җәрәхәтләре белән хастаханәгә озатылган. Тагын бер 33 яшьлек пассажир урында ук үлгән. Һәлакәт урынына килгән коткаручылар зыян күрүчеләрне һәм һәлак булган пассажирны машинадан чыгарган, җимерелгән машинаның аккумляторын аерып куйган.