Мөслим районында 75 бала тәрбиягә алынган

Район опека һәм попечительләр бүлегеннән алынган мәгълүматлар буенча, бүгенге көндә районда 75 гаиләдә тәрбиягә алынган 166 бала тәрбияләнә. 19 гаилә 28 баланы опекага алган. Бүлек тарафыннан суд карары нигезендә ике граждан, хокукка сәләтсез дип бәяләнеп, исәпкә куелган. Ә бер хатын-кыз, тәртипсез тормыш алып бару сәбәпле, ана хокукыннан мәхрүм ителгән. Бүгенге көндә 8 гаилә - тәрбиягә бала алу, 2 гаилә уллыкка алу буенча кандидатлар исемлегенә теркәлгән. Тәрбиягә алынган 15 бала, 18 яше тулу сәбәпле, олы тормыш юлына озатылган. Узган елда тәрбиягә алынган ике балага фатир бирелгән.