Караклык бәласе

Мөслимдәге "Пятерочка" кибетеннән плиткалы шоколод урлаган ике "тәмлетамакка" районның балигъ булмаган балалар белән эшләү һәм аларның хокукларын яклау буенча комиссиясе членнары каршында шактый кызарырга туры килде. Кызлар район эчке эшләр бүлегенә 6 айга учетка куелды, аларга җәмәгать тәрбиячеләре беркетелде, 14 яшьлегенә кисәтү ясалды, 16 яше тулганына штраф салынды. Моннан тыш алар кибеткә урланган шоколадларның гомуми суммасы күләмендә акча түләгән, кибет хуҗасыннан гафу үтенгән. Утырышта балигъ булмаган балалары алдында спиртлы эчемлек кулланган һәм гаиләдә тавыш чыгарган ата-аналарның тәртибе тикшерелде. Бала тәрбияләүдә ата-ана бурычларын тиешенчә үтәмәгән өчен аларга кисәтү ясалды һәм административ штраф салында.