Каникул чорында укучылар "Туган якны өйрәнү" музеенда булдылар

Мөслим төбәгенең үзенә республиканың башка район җитәкчеләрен, эшмәкәрләрен җәлеп итүе бәхәссез. Кукмара районы делегациясенең "Мөслим туган як музеенда" кунак булуын хәбәр иткән идек инде сезгә. Язгы каникуллар чорында да музей хезмәткәрләре тынгысыз хезмәттә. Шушы көннәрдә балалар өчен "Серле тарих эзеннән" дип исемләнгән бакыр рудниклары турында фильм күрсәтелде. Музейда Тойгельде урта мәктәбе укучылары да булды. Әти-әниләре, җитәкчеләре Илгизә Габделхакова белән экскурсиягә килгән балаларда борынгы экспонатлар зур кызыксыну уятты. Туган як тарихы турында бай мәгълүмат биргән өчен, музейның фәнни хезмәткәре Равил Тимкинга рәхмәт белдерәләр.