Исәнсефтә үз йортында хуҗасы янып үлгән

Янгын шимбә кич Исәнсеф авылында чыккан.

(“Татар-информ”). Мөслим районында үз йортында хуҗасы янып үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Янгын шимбә кич Исәнсеф авылында чыккан. Янгын мәйданы 48 квадрат метрны тәшкил иткән.

Янгын калдыкларын актарганда янгын сүндерүчеләр 57 яшьлек ир-ат мәетен тапкан.

Беренчел мәгълүматлар буенча, янгын электр җиһазын дөрес урнаштырмау һәм дөрес кулланмаудан килеп чыккан.