Интеллектуаль уеннар дәвам итә - финал 1 апрель көнне

25 март көнне эшләүче яшьләр арасында ел саен үткәрелә торган "Нәрсә? Кайда? Кайчан?" интеллектуаль - күңел ачу уеннарының 3 ярымфиналы узды. Акыл бәйгесендә көч алышырга мәгариф идарәсендә эшләүче яшь директорларның "Комета", Мәллә-Тамак авыл җирлегеннән "Кәеф" һәм Метрәй авыл җирлегеннән "Метрәй яшьләре" командалары килде. Барлык сынаулар буенча яшьләр белән эшләү һәм спорт бүлеге җитәкчесе Ильшат Яббаров җитәкчелегендәге шундый нәтиҗә чыгарды: матур уен һәм 21 балл ияләре "Метрәй яшьләре" командасы 3 урынны яулады, алтын урталыкта 22 балл җыеп "Кәеф". 23 балл ияләре һәм Финалда көч алышу хокукына "Комета" командасы лаек дип табылды! Җиңүчеләр Дипломнар һәм "Дуслар - клаб" кафесында куллану өчен сертификатлар белән бүләкләнде. Финал уеннары 1 апрель көнне "Мизгел" яшьләр үзәгендә 18:00 сәгатьтә башланачак.