Имамнар җыелышы узды
Җыелышта “Мөслим мәчетләре” һәм “Мөслим имамнары” проектларына старт бирелде.
Бүген Мөслимдәге “Җәмигъ” мәчетендә имам-хатыйплар җыелышы булды. Районның имам-мөхтәсибе Илгиз хәзрәт Сөнгатулла ислам дөньясындагы вәзгыять белән таныштырды. Рабигуль-әүвәл – Пәйгамбәребез туган ай. Шул уңайдан Риназ хәзрәт Нәбиев һәм Фәрид хәзрәт Аитов пәйгамбәрбез Мөхәммәт (с.г.в.) турында вәгазь сөйләде. Көзге айларда халыктан гошер сәдакасы җыюда активлык күрсәткән Михайловка, Баланлы, Яңа Карамалы мәхәлләләренә һәм имамнарына район мөхтәсибәтенең Рәхмәт хатлары тапшырылды. Җыелышта “Мөслим мәчетләре” һәм “Мөслим имамнары” проектларына старт бирелде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев